தமிழ்ப்
பணி மன்ற ஆட்சியர் திரு.வை.வேதரெத்தினம் அவர்கள் எழுதும் தன்வரலாறு
(AUTOBIOGRAPHY) !
காலச் சுவடுகள் : 1971 நிகழ்வுகள் !
(சுவடு.17) நன்றி நயப்புரை !
திருவெறும்பூர்
அரசினர் தொழிற் பயிற்சி நிலையத்திற்கு
இடமாற்றல் செய்யப் பெற்று, பணியிலிருந்து
விடுவிக்கப் பட்டதைத் தொடர்ந்து
01-09-1971 அன்று
புதுக்கோட்டையில் எனக்கு
அளிக்கப்பட்ட
தேநீர் விருந்தின் போது
நான் ஆற்றிய நன்றியுரை !
இப்பாடலில்,
அங்கு பணி புரிந்த
அனைத்து அலுவலர்களின்
பெயரும் இடம் பெற்று இருக்கும் !
*************************************************
அன்புநிறை உளம்கொண்ட
அன்புநிறை உளம்கொண்ட
..........அவைத்தலைமைக் கெழுதகையோய்
அறிவுச்சுடர்
கொளுத்தும்
..........ஆசிரியப் பெருமக்காள்
துன்பமெனைத் துரத்துங்கால்
.........தோள்கொடுக்கும் நன்னண்ப !
தோழர்காள் ! அனைவரரையும்
...........தொழுகின்றேன் நல்வணக்கம் !
*************************************
திருச்சிமா நகரம் தனது
..........திருக்கரம் இரண்டை நீட்டி,
வருகஎன் குழந்தாய் என்று
..........வரவேற்பு நல்க, நீவிர்
பிரிந்திடும்
நண்பா, நீயும்,
..........பெரும்புகழ் பெறுக ! செல்க !
அரும்பணி ஆற்றி வாழ்வில்,
..........அணிபெறாய் ! என்று கூறி,
உள்ளத்தால் உவந்து வாழ்த்தி,
..........விடைதரும் உங்கள் பெருமை,
சொல்லிநான் தெரிவது இல்லை !
..........தோழர்காள் ! நன்றி ! வணக்கம் !
****************************************
சிறுமுகை போன்ற தோற்றம்,
..........சிந்தையில் தெளிவு இன்மை
!
குறுகிய உலகியல் அறிவு,
..........குவலயம் தெரியாத் தன்மை !
பொறுமையாய் நடந்தாற் கூடப்
..........பூத்திடும் முனிவு ! கலக்கம் !
இத்தனைத் தகுதி ஏந்தி,
..........இம்மனை புகுந்த என்னை,
பத்தரை மாற்றுப் பொன்போல்
..........பக்குவப் படுத்திச் சென்றார்,
முத்தமிழ்ச் செல்வன் மேனாள்
..........மேலாளர் அரங்க ராசன் !
தத்துவப் பெருந்தகை யாளன்
..........தகைமைசால் சக்கர வர்த்தி
!
மாற்றுதல் பெற்று நானிம்
.........மன்றத்தில் நிற்கும் காலை,
போற்றுதற் குரிய அவர்தம்
..........புகழ்தனை நினைவு கூரல்,
வேற்றுமைக் குரியது ஆகா !
..........விளம்புவன் நன்றி ! நன்றி
!
அனுபவப் பள்ளி தன்னில்
..........அடைந்தநற் பாடம் எல்லாம்,
பனுவலாய் ஆக்கி எனக்குப்
..........படைத்தபண் பாளர் நண்பர்,
அருள்திரு வீரா சாமி
..........அவருக்கும் எந்தன் நன்றி !
வருந்தலில் தோயும் போது,
..........வாரிபோல் விரைந்து வந்து,
நல்வழி காட்டி என்னை,
..........நலமுடன் வதியச் செய்த
வல்லவர் சைமன் அன்பு
..........வள்ளலாம் சீனி வாசன்,
நல்லவர் அழகிரி சாமி,
...........நண்பர்கருப் பைய நன்றி !
கைவினைப் பயிற்சி ஆசான்
..........கலைஞனாம் பழனி
யாண்டி ,
ஐயன்சுப் பிரமணி மற்றும்
..........அன்பர்சிவ சிதம்பரம், பால
கிருட்டிணன் போன்றோர்க் கும்நான்
..........கழறுவேன் நன்றி
! நன்றி !
விருப்பமாய்ப் பழகி நெஞ்சில்,
..........விரைந்துற்ற அழகிரி சாமி,
அரும்பலா நண்பர் என்னை
..........ஆட்கொண்ட நல்மெய் யப்பன்,
சுரும்பரை ஒத்த மேலோன்
..........சுந்தரம் அவர்க்குமென் நன்றி !
மட்டற்ற அன்பினா லென்
..........மனதினில் நிறைந்து நிற்கும்,
சுட்டவெண் சங்கு சுவாமி,
..........கோபால ! நன்றி ! நன்றி !
வெருனியர் கையிற் கொண்டு
..........வேண்டிய பொருளின் நீளம்,
சரிவரக் கணிக்கும் பண்டகக்
..........காப்பாளர் இவரே என்று,
அரும்புகழ்
ஆரம் சூட்டி,
..........அகமகிழ் வுற்ற நண்பர்,
அருந்திறல்
மறவன் நினைவில்
..........அழியாத ஜேக்கப் ராசு,
முத்துமுத்து
ராம லிங்கம்,
..........முக்கனிக் கல்யாணம் நன்றி !
கோட்டுத்தேன் போல உள்ளம்
..........குளிர்விக்கும் கோவிந்த ராசு,
வாட்டத்தைப்
போக்கும் சூசை
..........இரத்தினம்,
அரங்க ராசன்
மூவர்க்கும் எந்தன் நன்றி !
..........முன்கோபம் இருந்தா லும்நல்
உவகையாய் உதவிகள் செய்து
..........உறுதுன்பம் மறக்கச் செய்யும்
நரசிங்கன் பேட்டைச் செல்வம்,
..........நல்லவர் கிருட்டிண மூர்த்தி !
அரியலூர் துறந்து ஈங்கே
..........அடைந்தகாத் தைய ! நன்றி !
இணையற்ற பொறுமை சாலி,
..........எந்தமிழ் போற்றும் செல்வன்,
மணித்திரு ஞானம் அறிவின்
..........மணம்திகழ் நற்குற் றாலம்
பாண்டியன் நல்வழித் தோன்றல்
..........பண்பாளர் துரைப்பாண் டியன்நல்
நண்பராம் கணபதி எந்தன்
..........நலம்நாடும் அகமது உசேன்,
அனைவர்க்கும் எந்தன் நன்றி !
..........அமைதியாய்ப் பணிகள் ஆற்றும்
தெட்சணா
மூர்த்தி, தாமஸ்,
..........முருகேச ! உமக்கும் நன்றி !
கட்டளை ஏதும் இன்றிக்
..........கனிவுடன் அன்பு காட்டும்,
வித்தகன் தமிழின் தொண்டன்,
..........வேதையன் அவர்க்கும் நன்றி !
புத்தகம் போன்று அறிவு,
..........பொதிந்துள்ள அரிய மூளை,
முத்தமிழ் ஆற்றல் வீரன் ,
..........முக்கனித் தேன்சுவைப் பாகு,
எத்தனை மொழிந்திட் டாலும்,
..........இணையற்ற நல்மணி யாரம் !
உள்ளத்தைக் கவர்ந்த கள்வன்,
..........உறுதுணை மணிக்கு என்நன்றி !
வெள்ளிய நிலவின் துண்டு ,
...........விளங்குநல் ஆற்றல் அமைதி,
தெள்ளிய உள்ளத் தானென்
..........துணைவர் திருஅரிக்கும்
நன்றி !
தள்ளினும் தள்ளா நீர்போல்
..........தழுவிடும் சந்திர சேகர்,
சிறப்புடன் பணிகள் ஆற்றி,
..........சீர்பெறும் ஜெயச்சந் திரன்நல்
முறுவலை முகத்தில் தேக்கி,
..........முரல்திருக் கல்யாண சுந்தரம்,
மூவர்க்கும் நன்றி ! மற்றும்
..........முனைப்புடன் பணிகள் ஆற்றும்
ஆவின்பால் போன்ற தூய
..........அன்பர்திரு இரத்தினம் பிள்ளை,
தாய்மையின் நெகிழ்ச்சி காட்டும்
..........தமிழ்மகன் பாலு, இராசு,
ஓய்வினை அறியாத் தேனீ,
..........உயர்மாரி முத்து நன்றி !
காய்நிலா போல என்றும்
..........கனிவுடன் ஏவல் செய்யும்
சேய்களாம் குற்றேவ லர்க்கும்,
..........செப்புவேன் நன்றி ! நன்றி
!
இளகிய நெஞ்சும் அன்பில்
..........இழைந்திடும் உணர்வும் பண்பும்
மிளிர்ந்திடும் செயலும் கொண்ட
..........முதல்வர்க்கும் பணிவுடன் நன்றி
!
******************************************
கலங்கிய குடும்பச் சூழல்,
..........கால்தடு மாறும் வாழ்க்கை,
விலங்கிடும் பொருளா தாரம்,
..........விடிவெள்ளி நோக்கும் இல்லம்,
இத்தனை இடர்ப்பா டுற்று,
..........இயங்கிய என்னை இன்று
குத்தினார் முதுகில் அந்த
..........கோமகன் இயக்குநர்க்கும் நன்றி !
******************************************
என்னையும் மதித்து ஈங்கு
..........இனியநல் விருந்த ளித்து,
பொன்னினும் மேலாம் சொற்கள்
..........பொழிந்தனை ! என்ன சொல்வேன் !
அன்பிற்கும் எல்லையில் லைநும்
..........அருளுக்கும் குறைவு இல்லை !
மன்றத்தின் தலைவ ! நண்ப !
..........மலரடிப் பணிந்தேன்
! வணக்கம் !
++++++++++++++++++++++++++++++++
----------------------------------------------------------------------------------------------
ஆக்கம் + இடுகை:
வை.வேதரெத்தினம்,
(kadikaivedarethinam@gmail.com)
ஆட்சியர்,
தமிழ்ப் பணி மன்றம்.
[தி.பி: 2051, மேழம் (சித்திரை),23]
{06-05-2020}
----------------------------------------------------------------------------------------------
நன்றி நவிலல் !
வேதரெத்தினம் (1971)
No comments:
Post a Comment